"နှစ်သစ်ကူး အားလပ်ရက်နှင့် ဆုမွန်ကောင်းတောင်းခြင်း"

"နှစ်သစ်ကူး အားလပ်ရက်နှင့် ဆုမွန်ကောင်းတောင်းခြင်း"နွေဦးရဲ့ နေရောင်ခြည်အောက်မှာ ပိတောက်ပန်းတွေ ဝေဝေဆာဆာနဲ့ နှစ်သစ်ကို ကြိုဆိုနေကြပါပြီ။အေးမြတဲ့ အတာရေစင်တွေ စီးဆင်းလာတဲ့ ဒီအချိန်ခါသမယမှာ ကျွန်မတို့ရဲ့ မိတ်ဖက်အဖွဲ့အစည်းများ၊ မိဘပြည်သူများနှင့်အတူ အမျိုးသမီးများ၊ ဂျဲန်ဒါမတူကွဲပြားသူများ၊ လူမျိုးစုအသီးသီးမှ ညီအစ်ကိုမောင်နှမများအားလုံး နှစ်ဟောင်းက အပူအပင်တွေကို အတာရေနဲ့ ဆေးကြောသန့်စင်ပြီး အေးမြကြည်လင်တဲ့ နှလုံးသားကိုယ်စီနဲ့ နှစ်သစ်သို့ ခြေလှမ်းသစ် လှမ်းနိုင်ကြပါစေကြောင်း ရှိ/Shield အမျိုးသမီးအဖွဲ့ က ဆုမွန်ကောင်းတောင်းအပ်ပါတယ်။နှစ်ဟောင်းက စိန်ခေါ်မှုတွေကို ခွန်အားအဖြစ် ပြောင်းလဲပြီး မျှော်လင့်ချက်ပန်းတိုင်တွေဆီသို့ စိတ်ဓာတ်သစ်၊ အားမာန်သစ်တွေနဲ့ လှမ်းတက်နိုင်ကြပါစေလို့ ဆန္ဒပြုပါတယ်။ "အမျိုးသမီးတိုင်း လုံခြုံပြီး လူနည်းစုတိုင်း တန်းတူညီမျှခွင့်ရတဲ့၊ မတူကွဲပြားမှုတွေကြားမှာ တရားမျှတမှုတွေ ဝေဆာနေမယ့် လူမှုအသိုင်းအဝိုင်းသစ်တစ်ခုကို ကျွန်မတို့ အတူတကွ ပုံဖော်ကြပါစို့။"ခေတ္တအနားယူခြင်းနှင့် ပတ်သက်၍ အသိပေးခြင်းရှိ/Shield အမျိုးသမီးအဖွဲ့ မှ စေတနာ့ဝန်ထမ်းများသည် နှစ်သစ်တွင် ခွန်အားသစ်များဖြင့် ဝန်ဆောင်မှုများ ပြန်လည်ပေးအပ်နိုင်ရန်အတွက် ၂၀၂၆ ခုနှစ်၊ ဧပြီလ (၁၃) ရက်နေ့မှ (၁၉) ရက်နေ့အထိ ခေတ္တအနားယူကြမှာ ဖြစ်ပါတယ်။ထိုကာလအတွင်း ကျွန်မတို့ရဲ့ Case & Documentation Management Team သည် အရေးပေါ်ကိစ္စရပ်များမှအပ ပုံမှန်လုပ်ငန်းဆောင်တာများကို ဆောင်ရွက်နိုင်မှာ မဟုတ်ပါကြောင်း ကြိုတင်အသိပေးအပ်ပါတယ်။ ထို့ကြောင့် အဆိုပါကာလအတွင်း ဆက်သွယ်ဆောင်ရွက်ရာမှာ နားလည်ခွင့်ပြုပေးပါရန်နဲ့ သက်ဆိုင်ရာရက်များကို ကြိုတင်မှတ်သားထားပေးပါရန် လေးစားစွာဖြင့် မေတ္တာရပ်ခံအပ်ပါတယ်။အားလုံးပဲ အတာရေအေးနဲ့ အေးမြလန်းဆန်းကြပါစေရှင်။ချစ်ခင်လေးစားစွာဖြင့်၊ ရှိ/Shield အမျိုးသမီးအဖွဲ့ (Shield Women Organization)